Wat blitt wou?

De Nationalmusée fir Naturgeschicht zu Lëtzebuerg wëllt méi Informatiounen iwwert d'Virkommen an d'Verbreedung vu verschiddene Wëllplanze kréien, déi nach relativ heefeg sinn, deenen hir Zuelen awer ofhuelen.

Fir esou vill ewéi méiglech Donnéeën ze kréien, biede mir Iech bei dëser Erfaassung matzemaachen an eis matzedeelen, wou a wéini Dir eng vun dëse Wëllplanze gesinn hutt.

Dës Informatiounen hëllefen eis fir besser ze verstoe firwat Planze méi rar ginn, a wat mir kenne maache fir eis Biodiversitéit ze erhalen.