Är Beobachtungen - Aleedung

Beobachtungsportal fir erfueren Naturalisten

Wëllt dir regelméisseg Är Naturbeobachtunge mat aneren deelen? Dann recommandéiere mir iech e perséinleche Kont opzemaachen.

E perséinleche Kont vereinfacht d’Saisie an d’Gestioun vun ären Daten. Esou kënnt dir Lëschte vun Aarten, déi dir op engem Standuert während engem Dag gesinn hutt aginn a Fotoen eroplueden. Dir kënnt Är Beobachtunge kucken, verwalten an änneren a se op enger Kaart affichéieren. Spezifesch Input Masken vereinfachen iech d’Saisie vun Beobachtungen vun Aarten aus deene verschiddenen taxonomesche Gruppen.

Experten iwwerpréiwen Är Beobachtungen a Bestëmmunge vun Aarten op hir Richtegkeet éier se an d’Datebank vum Musée transferéiert ginn. Als registréierte Benotzer kënnt dir d’Beobachtunge vun all den aneren Utilisateure kucken an dir kennt är Daten eroflueden.

Eréischt nom Importéieren an d'Datebank vum Musée, sinn d'Beobachtungen déi dir um data.mnhn.lu aginn hutt um Karteportal map.mnhn.lu ze gesinn.